a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Կայացավ “Հայաստանի Ազատագրութեան Հայ Գաղտնի Բանակի (ԱՍԱԼԱ) Վաւերագրութիւն Զինեալ Եւ Հրատարակչական Գործունէութեան” գրքի շնորհանդեսը

10497034_1616143152005969_4661935362747503405_o

Չորեքշաբթի, 27 Մայիս 2015-ին Երեւանի Քաղաքապետարանի Աւետիք Իսահակեանի անուան Կեդրոնական Գրադարանի սրահին մէջ տեղի ունեցաւ Լիբանանի Սփիւռք պարբերաթերթի հրատարակութեամբ եւ Սագօ Օգնայեանի աշխատասիրութեամբ պատրաստուած “Հայաստանի Ազատագրութեան Հայ Գաղտնի Բանակի (ԱՍԱԼԱ) Վաւերագրութիւն Զինեալ Եւ Հրատարակչական Գործունէութեան” գիրքին շնորհանդէսը: Սրահին մէջ մեծադիր պաստառներով տեղադրուած էին Հ.Ա.Հ.Գ.Բ.-ի նահատակներուն նկարներն ու տրուած էին անոնց մասին փոքր բացատրութիւններ:
Յայտագիրը սկսաւ պաստառի վրայ ներկայացնելով Հ.Ա.Հ.Գ.Բ.-ի հոգեւոր հիմնադիր Գուրգէն Եանիգեանի վաւերագրական ժապաւէնը, ուր կը խօսի նաեւ նոյնինքն Գուրգէն Եանիգեանը: Ապա, մէկ վայրկեան լռութեամբ յոտնկայս յարգուեցաւ յիշատակը Հ.Ա.Հ.Գ.Բ.-ի նահատակներուն: Խօսք առաւ գրադարանի տնօրէնուհի Յասմիկ Կարապետեանը, որ պատմեց փոքր դրուագ մը՝ երբ ան ինը տարի առաջ կը գտնուէր Լոս Անճելըս եւ իրեն հրաւիրողները հարց տուին թէ ուր կը փափաքի այցելել, ան խնդրեց որ իրեն տանին Չինոյի բանտը, ուր ժամանակին բանտարկուած էր Գուրգէն Եանիգեանը: Այցելելէ ետք ան զգաց որ հայոց արդար պատասխանին փոքր սփոփանք ստացած էր: Հեղինակը իր խօսքին մէջ ի միջի այլոց ըսաւ. §Այս հրաշալի հայորդիները, որոնց նկարները կը տեսնէք այստեղ, իւրաքանչիւրին դէմքին վրայ տպուած է նրանց կենսակերպը թէ ինչի համար էին ծնուել, ինչու գնացին գիտակցուած նահատակութեան: Նրանք դա արեցին հայոց պատասխանը հնչեցնելու համար¦: Ան վերջացուց իր խօսքը տալով, որպէս գիրքի մասնագէտ, իր կարծիքը, գնահատելով աշխատանքը, զայն նկատեց որ հանրագիտարանային ճշգրտութեամբ ներկայացուած է աշխատասիրութիւնը, հետեւողականութեամբ պահպանելով մատենագիտական տուեալներու բոլոր տեսակները:
Հեղինակը՝ Սագօ Օգնայեան իր խօսքէն առաջ շնորհակալութիւն յայտնեց գրադարանի տնօրէնութեան եւ անձնակազմին, որոնք սիրայօժար տրամադրած էին սրահը այս ձեռնարկին համար, ապա շնորհակալութիւն յայտնեց այն անձնաւորութիւններուն, որոնք օգտակար եղած էին գիրքի հրատարակութեան եւ այս ձեռնարկին պատրաստման մէջ, նաեւ շնորհակալութիւն ուղղեց բոլոր ներկաներուն, որոնք յարգեցին ու ներկայ գտնուեցան այս հանդիսութեան:
Սագօ Օգնայեան անդրադարձաւ գիրքին բովանդակութեան մասին, որ բաժնուած է երեք մասերու: Առաջին մասին մէջ ժամանակագրական կարգով տրուած են Հ.Ա.Հ.Գ.Բ.-ի ռազմական գործողութիւնները, որմէ ետք կարճ բացատրութիւններով կը ներկայացուին կազմակերպութեան գրեթէ բոլոր հրատարակութիւնները – §Հայաստան¦ պաշտօնաթերթը, գրքոյկներն ու որմազդները: Իսկ երրորդ մասով կը տրուին անուններն ու հակիրճ կենսագրութիւնները այն 39 նահատակներուն, որոնց տապանաքարերը զետեղուած են Եռաբլուրի նահատակաց յուշահամալիրին մէջ: Հեղինակը հարց տուաւ թէ բացի զինեալ գործողութիւններէն Հ.Ա.Հ.Գ.Բ.-ը ինչ նորութիւն բերաւ հայկական արտասահմանեան շրջանակներուն մէջ ու ան թուեց հիմնական երկու կէտեր. Ա) Հ.Ա.Հ.Գ.Բ.-ը սկիզբէն բանաձեւեց որ ազատագրական պայքարը պէտք է համաժողովրդային հենք ունենայ, եւ այս նպատակով հիմնուեցան Ժողովրդային Շարժումներ ու Քաղաքական Բանտարկեալներու Պաշտպան Յանձնախումբ. Բ) Հ.Ա.Հ.Գ.Բ.-ը ինքզինք նկատեց թէ իրաւազրկուած եւ ընկճուած ժողովուրդներու պայքարի շարքին է ընդդէմ գաղութատիրութեան եւ կայսերապաշտութեան: Սագօ Օգնայեան աւարտելով խօսքը ըսաւ. §Այս նահատակները, որոնք հոս ձեզի կը նային, իրականութեան մէջ ոգեշունչ եւ ճառագայթող անձնաւորութիւններ են, որոնք իրենց երիտասարդ կեանքը նուիրած են վեհագոյն նպատակին համար: Անոնք իրենց բոլոր ընտանեկան եւ նիւթական հարցերը մէկդի դնելով գործեցին այս կազմակերպութեան մէջ ու նահատակուեցան հողի ազատագրութեան նպատակին համար: Բոլորն ալ ունին իրենց պատմութիւնները, հիմա ժամանակն է, որ անոնց պատմութիւնները յայտնի դառնան¦:
Խօսք առաւ Երեւանի Եղիշէ Չարենցի անուան Գրականութեան Եւ Արուեստի Թանգարանի տնօրէն, պատմութեան գիտութիւններու թեկնածու Կարօ Վարդանեան: Ան յայտնեց որ այս տարուայ Ապրիլեան հարիւրամեակէն առաջ երկու կարեւոր ամեակներ կային, որոնք առնչութիւն ունէին տարելիցին հետ՝ 20 Յունուարին Հ.Ա.Հ.Գ.Բ.-ի ծննդեան 40-ամեակն ու 25 Փետրուարին Զօրավար Անդրանիկի Ծննդեան 150-ամեակը: Ան աւելցուց. §Հ.Ա.Հ.Գ.Բ.-ը մնում է առեղծուած, ոչինչ գիտենք Գուրգէն Եանիգեանին, Յակոբ Յակոբեանին եւ այլոց մասին: Իրենց հանդէպ մենք անարդար գտնուած ենք: … Ես միշտ համարում եմ որ առաջին նպատակներից մէկին ԱՍԱԼԱ-ն հասել է, ինչու որ ան կոչւում է բանակ, եւ այս նահատակ 40-50 տղաների համար բանակ ունենալը երազանք էր … այսօր մենք ազգային բանակ ունենք: Այդ առումով առաջին երազանքը կատարուել եւ իրականացուել էր¦:
Շնորհանդէսը վարեց եւ ասմունքով ճոխացուց Գայանէ Սամուէլեան, ասմունքեցին նաեւ հասարակական գործիչ եւ Գանատաբնակ Մարօ Մարգարեանն ու դերասան Աշոտ Հովունին: Երգերով հանդէս եկան Արսէն Համբարեանն ու Անահիտ Յարութիւնեանը:
Առ ի տեղեկութիւն, Հայաստանի Ազատագրութեան Հայ Գաղտնի Բանակի նահատակներուն մեծ լուսանկարներուն եւ անոնց հակիրճ կենսագրութիւններուն ցուցահանդէսը Մայիսեան այս տօներուն առթիւ բաց պիտի մնայ քանի մը օր եւս:

Լուսանկարներն ու նյութը՝ Արարատ պարբերականի
1599191_1616142932005991_5849273960868285478_o 1909318_1616143288672622_2824843743555023498_o 10003765_1616143452005939_1298401610841873972_o 10497034_1616143152005969_4661935362747503405_o 10531379_1616143158672635_4321849505972356189_o 10986474_1616143028672648_6770594501902788662_o 11020792_1616142918672659_4732119867902912183_n 11037218_1616142962005988_5333182175780883664_o 11041568_1616143305339287_2796111557180468718_o 11061322_1616143238672627_4970533786402224345_o 11062862_1616143312005953_7973445704264252562_o (1) 11062862_1616143312005953_7973445704264252562_o 11134068_1616143328672618_6568248526451752779_o 11143208_1616143572005927_8679901209374483429_o 11144438_1616143015339316_5052146173308765988_o 11194516_1616143275339290_1483158349188630805_o (1) 11194516_1616143275339290_1483158349188630805_o 11225109_1616142925339325_7224376814324669243_o 11227628_1616142952005989_7920456557896780231_o 11270306_1616143172005967_6855210333797535756_o 11312815_1616142942005990_7836274190261792620_o 11337099_1616143228672628_5990618627298920941_o
Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0