a
b
c
d
Հայ Մշակույթի, Գիտության Եւ Կրթության Զարգացման Հիմնադրամ
29/06/2015

«Կամար» Խորագրեալ Դասական Երաժշտութեան Բարձրորակ Ելոյթը Լիբանանի Մէջ

0000GAMAR

Կազմակերպութեամբ Լիբանանի պետական բարձրագոյն երաժշտանոցի եւ հովանաւորութեամբ անոր նախագահին՝ Ուալիտ Մուսալլեմի, Երեքշաբթի, օրերս, Սեն Ժոզէֆ համալսարանի «Փիեռ Ապու Խաթեր» սրահին մէջ տեղի ունեցաւ «Կամար» խորագրեալ դասական երաժշտութեան բարձրորակ ելոյթը, զուգանուագ՝ կատարողութեամբ դաշնակահարներ Կամիլա Երկանեան-Քէշիշեանի եւ Արմինէ Ապաճեան-Պասմաճեանի:
Յայտագիրը ընդգրկեց դասական տիտաններէն՝ Մոցարթէն, Շուպըրթէն, Պրամզէն եւ Տեպիւսիէն ստեղծագործութիւններ, ինչպէս նաեւ Սթրաւինսքիէն եւ Միլհաուտէն, որոնք իւրայատուկ ոճով երաժշտասէր հանրութեան ներկայացուեցան Քէշիշեանի եւ Պասմաճեանի կողմէ՝ եզակի նուագավարութեամբ:
Քէշիշեանի եւ Պասմաճեանի հրաշալի կատարողութիւնը հմայեց մշակութասէր բոլոր ներկաները, որոնք բարձր գնահատեցին անոնց հեզասահ եւ ոգեւորիչ մեկնաբանութիւնները: Ելոյթը փակուեցաւ ջերմ ծափողջոյններով եւ ծաղկեփունջերով, որմէ ետք Կամիլա Երկանեան-Քէշիշեան եւ Արմինէ Ապաճեան-Պասմաճեան անգամ մը եւս բեմ բարձրացան՝ ներկայացնելու համար Առնօ Պապաճանեանի գլուխ գործոցներէն կտոր մը:

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0