a
b
c
d
Հայ Մշակույթի, Գիտության Եւ Կրթության Զարգացման Հիմնադրամ
22/05/2015

Կայացել է «Մշակութային ժառանգության վերածնունդ» խորագրով սկավառակների շնորհանդեսը

Culture.AM pre.

Կոմիտասի թանգարան-ինստիտուտում մայիսի 21-ին կազմակերպվել էր «Մշակութային ժառանգության վերածնունդ» խորագրով սկավառակների շնորհանդեսը։ Այս մասին տեղեկացնում է Հայաստանի երիտասարդական հիմնադրամը:
Սկավառակներից մեկը կազմված է հայ երգի մեծ երախտավոր, բանահավաք, ազգագրագետ, երգիչ Հայրիկ Մուրադյանի կատարմամբ երգերից, իսկ երկրորդը՝ «Կարին» ազգագրական երգ ու պարի խմբի կատարմամբ պարերից: Սկավառակների հետ տպագրվել է նաև գրքույկ, որն ամփոփում է երգերի նոտաները, բառերը, ներկայացված են պարերի մասին տեղեկություններ, պարերի նկարագրությունն ու խորհուրդը։

Ծրագրի նախաձեռնողը «Հայրիկ Մուրադյան» հասարակական կազմակերպությունն է, որն իր գաղափարը կյանքի է կոչել ՀՀ Նախագահի գործընկեր կազմակերպության՝ Հայաստանի երիտասարդական հիմնադրամի կողմից հայտարարված դրամաշնորհային մրցույթի շրջանակներում:

«Հայրիկ Մուրադյան» ՀԿ նախագահ, երաժիշտ Նարինե Դելլալյանը տեղեկացրեց, որ ծրագրի շրջանակներում առաջիկա ամիսների ընթացքում Գավառ, Եղեգնաձոր, Արմավիր, Գյումրի, Պորտուգալիայի Լիսաբոն քաղաքներում հարյուրավոր հայ պատանիներ և երիտասարդներ մասնակցելու են իրենց նախնիների մշակույթի մասին իրազեկող միջոցառում-դասընթացների, սովորելու են ազգային երգն ու պարը։ Մարզեր կմեկնեն և դասընթացները կանցկացնեն «Կարին» ավանդական երգ ու պարի համույթի անդամները։ Նպատակը երիտասարդ սերնդի մեջ ազգային մշակույթի տարածումն է։
Հայաստանի երիտասարդական հիմնադրամի՝ ՀՀ Նախագահի գործընկեր կազմակերպության կողմից իրականացվող դրամաշնորհային մրցույթի «Ցեղասպանություն» և «Մերօրյա հերոսներ» անվանակարգերի ծրագրերի համակարգող Գայանե Մանուկյանն ընդգծեց, որ նախագահի աշխատակազմի կողմից հատկացվող դրամաշնորհների շրջանակներում կարևորվում են մշակութային արժեքների պահպանմանն ուղղված նախաձեռնությունները։

Ավելին՝ Tert.am կայքում

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0