a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Ասմունքի Երեկոյ Գեղարուեստական Ճոխ Յայտագիրով

N.O. May 28, 2015 No 22 NEW.pdf

ՔԱՆՈԿԱ ՓԱՐՔ, «Նոր Օր».- Հայոց Ցեղասպանութեան հարիւրամեակի ոգեկոչման, Հայաստանի իշխանութիւններն ու սփիւռքահայ իւրաքանչիւր կազմակերպութիւն կամ համախմբում բերին իրենց մասնակցութիւնը, բնականաբար ամէն միաւոր իր կարելիութեանց ու կարողութեան համաձայն։
Կարեւորը հաւաքական, ջերմեռանդ եւ անմնացորդ մատուցումն էր, որուն արժանացան բիւրաւոր մեր նահատակները։ Նաեւ, այս անկիւնադարձային հանգրուանին, յոյժ նպաստաւոր եւ արմատական բեկում արձանագրեց Մեծ Եղեռնի համաշխարհային ճանաչումը, ցնցելով ու շուարումի մատ նելով թուրք պետականութիւնը։
Ահաւասիկ, համընդհանուր այս յարգանքին իր համեստ բաժինը բերաւ նաեւ ՀԲԸՄի Սան Ֆերնանտօ հովիտի վեթերաններու վարչութիւնը։ Արդարեւ, ՀԲԸՄի Մանուկեան-Տեմիրճեան
վարժարանի «Աղաճանեան» սրահին մէջ կազմակերպուած ձեռնարկը ունէր ամբողջովին գեղարուեստական յայտագիր մը, որուն կորիզը կազմեցին ասմունքը՝ ծանօթ հայ հեղինակներու ստեղծագործութիւններէն, ամբողջացուած օփերայի երգչուհի Անահիտ Ներսիսեանի առինքնող կատարումներով։
Օրուան յայտագիրը ընթացք առաւ հաճելի հանդիսավարութեամբ Յարութ Տէր Դաւիթեանի։ Գեղարուեստական ձեռնարկին աստղը հանդիսացաւ նախկին լիբանանահայ եւ գործօն ընկերային տարր՝ Աստղիկ Տատուրեան։
Առաջին բաժինին մէջ, ան յաջորդաբար ներկայացուց Սիլվա Կապուտիկեանի «Մտորումներ Ճանապարհի Կէսին», Գէորգ Էմինի «Երգ Կռունկի Մասին» (այս մէկը նազելաճեմ պարի մենակատարութեան ընկերակցութեամբ՝ Անահիս Աւանիսեանի) ու դարձեալ Էմինի «Սասունցիների Պարը» ու Սիամանթոյի «Յոյսին Համար» բանաստեղծութիւնները։
Յատուկ նշանակութիւն ունեցաւ նոր սերունդին մասնակցութիւնը գեղարուեստական այս երեկոյին։ Արդարեւ, ՀԲԸՄի Մանուկեան-Տեմիրճեան վարժարանի սաներէն Վայք Ոսկեան ջութակի վրայ յաջորդաբար նուագեց՝ «Գարուն Ա»ն ու «Շողեր æան»՝ Կոմիտասէն, եւ «Իս Քու Ղիմաթը Չիմ Գիտի»՝ Սայաթ Նովայէն, իսկ քանոնի վրայ նուագեցին Լիլիա եւ Ալեքսանտրա Եարալեանները՝ «Էլեկիա»՝ Առնօ Պապաջանեանէն։
Օփերայի հանրածանօթ երգչուհի Անահիտ Ներսիսեանի մենակատարումները յատուկ փայլ մը տուին հանդիսութեան, իրերայաջորդ երեք մեներգներով՝ «Ես Պլպուլ Եմ» (Ռ. Մելիքեան), «Արաքս Գետ» (մշակում՝ Դոլուխանեանի) ու «Ծիծեռնակ» (Կոմիտաս)։
Յայտագիրը շարունակուեցաւ առանց ընդմիջումի, բանաստեղծութեանց նոր փունջով մը՝ «Եկեղեցին Հայկական» (Վահան Թէքէեան), «Մատեան Գոյութեան» (Հենրիկ Թումանեան), «Հայ Ժողովուրդին» (Վահագն Դաւթեան), «Կտակ» (Յովհաննէս Շիրազ) եւ «Ես Իմ Անուշ Հայաստանի» (Եղիշէ Չարենց)։
Աստղիկ Տատուրեանի շուրջ ժամ մը տեւող ելոյթները յատկանշուեցան յստակ առոգանութեամբ, անսայթաք արտասանութեամբ, ապրումով եւ յաջող մեկնաբանութեամբ, շնորհալի կեցուածքով ու բեմական տիրապետութեամբ՝ ունկնդիրներուն պարգեւելով ասմունքի ըմբոշխման յատուկ երեկոյ մը։
Բեմի երկու կողմերուն, որմադրուագներու վրայ կ՛երեւէին արուեստագէտ Վահէ Տատուրեանի կողմէ չափազանց յաջողութեամբ գծագրուած բանաստեղծներուն դիմանկարները, որոնք պահ մը կարծէք կենդանութիւն կ՛առնէին, երբ կ՛արտասանուէին իրենց ստեղծագործութիւնները։
Յատուկ շնորհակալութիւններ գովազդի, տոմսերու եւ յայտագիրի գրաշարութեան ու ներկայանալի ձեւաւորման համար՝ Մարիէթ Օհանէսին, եւ ասմունքներուն հետ
նուագակցութեան համար՝ Պետրոս Օհանէսին։ Հովիտի Տիկնանց յանձնախումբը, ինչպէս միշտ, ձեռնհասօրէն պատրաստած էր հիւրասիրութեան բաժինը։
Մատուցուեցաւ արուեստի հոգեպարար երեկոյ մը, որմէ զրկուեցան ակամայ բացակայողները։

Asbarez.com

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0