a
b
c
d
Հայ Մշակույթի, Գիտության Եւ Կրթության Զարգացման Հիմնադրամ
10/03/2015

Հայերն ինչպես են պահպանել Սիոնը

Culture.am Sion

Պատմական Երուսաղեմի կենտրոնում է Հայկական աշխարհը՝ Հայոց թաղը, Սրբոց Հակոբյանց մայր եկեղեցին, Հայոց Պատրիարքարանը, վարժարանը, հայկական տարածքում են Հիսուսի հետ կապված սրբավայրերը՝ նրա առաջին ու երկրորդ բանտախցերը, հնամենի ձիթենին, որ այսօր էլ պտղաբերում է, Պոնտացի Պիղատոսի տան ավերակները, Գեթսեմանի պարտեզները, վերջապես Հայոց Սիոնը, որի մասին հրեաներն ասում են՝ Սիոնը Աստծո աչքն է՝ Երուսաղեմի վրա բացված: Սուրբ Հարության տաճարի հայկական մասում է Գողգոթան, ու եթե թվարկումը շարունակեմ՝ շարունակվելու է: Հայկական Երուսաղեմի պատմական ու իրական արժեքները իրապես դրամական որևէ միավորով հնարավոր չէ գնահատել: Սուրբ հողում հոգևոր արժեքները նյութականացած են այնքան, որ կարող ես աչքով տեսնել, ականջով լսել, ձեռքով շոշափել, Սուրբ հողում աղոթքը հոգով ու հավատով արտաբերված բառաշար չէ առ Տերը, խոսակցություն է Աստծո հետ: Հայության, հայկականության, հայերի ներկայությունը քրիստոնեության ոստանում շատ ավելին է, քան տարածքների, մարդկանց ու տաճարների կամ պալատների գոյությունը: Միստիկա չկա, կա իրողություն: Եթե հրեաներն են Աստծո ընտրյալ ժողովուրդը, որոնց նա երկու հազար տարի հետո վերադարձրեց հայրենիք՝ իրենց ավերած Սողոմոնի տաճարի պատի տակ, որ լացեն ու հիշեն՝ իրենց արածներն ու չարածները, որ երազեն Սողոմոնի տաճարը կառուցել՝ իմանալով, որ երբեք չեն կառուցելու, հայերին պահեց ու պահպանեց ոչ թե նրանց կողքին, այլ՝ իր Տանը, իր հողի վրա ու իր սրտում: Մարդիկ չեն որոշում սահմանները, սահմանները գծվում են երկնքում ու փոխվում են, երբ մարդիկ պատրաստ են նոր սահմանների մեջ ապրելուն:

 

Ավելին՝ Irates.am կայքում

Գալիք Իրադարձություններ
Անհրաժեշտ է: $1,060
107%
Հավաքված է: $1,132 | Մնացած օրեր: 0