a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

«Մշակութային կազմակերպություն-դպրոց» աբոնեմենտային համակարգի ներդրման ծրագիրը մեկնարկել է

Culture.AM Ministry

«Մշակութային կազմակերպություն-դպրոց» աբոնեմենտային համակարգի ներդրման ծրագիրը Հայաստանի Հանրապետության Նախագահի հանձնարարությամբ մշակվել է ՀՀ մշակույթի նախարարության կողմից և ներառվել է Հայաստանի Հանրապետության կառավարության ծրագրում: Ինչպես տեղեկացնում է ՀՀ մշակույթի նախարարության պաշտոնական կայքը,  ծրագրի նպատակը ժամանակակից կրթական համակարգի բովանդակային արդյունավետության բարձրացումն է, որտեղ տեսական գիտելիքների մատուցումը կհամատեղվի գործնական ու առարկայական մշակութային գիտելիքների հետ՝ կարևորելով երեխաների հոգևոր-մշակութային դաստիարակությունը՝ ապագա քաղաքացու ձևավորման գործում:

Ծրագիրը կիրականացվի ՀՀ մարզերի հանրակրթական դպրոցների երեխաների համար` մարզերում մշակութային կազմակերպությունների հյուրախաղերի և Երևանում մշակութային միջացառումների կազմակերպմամբ:

2015 թվականին «Մշակութային կազմակերպություն-դպրոց» աբոնեմենտային համակարգի ներդրման ծրագիրը կիրականացվի Երևանում՝ ՀՀ Սյունիքի, Տավուշի, Արարատի, Վայոց ձորի և Գեղարքունիքի մարզերի 47 սահմանապահ համայնքների 49 հիմնական դպրոցների միջին դասարաններում (10-14 տարեկան) սովորող շուրջ 2700 աշակերտների համար: Ծրագիրը շարունակական է և կիրականացվի ամբողջ տարվա ընթացքում, միաժանամանակ նախատեսվում են թատերահամերգային հյուրախաղեր ՀՀ մարզերում:

«Մշակութային կազմակերպություն-դպրոց» աբոնեմենտային համակարգի ներդրման ծրագիրը մեկնարկեց՝  ս. թ. մայիսի 21-ին. Տավուշի մարզի Այգեհովիտ համայնքի 120 աշակերտներ այցելեցին Կոմիտաս թանգարան-ինստիտուտ և Կոմիտասի անվան զբոսայգու պանթեոն: Այնուհետև, Հայաստանի երգչախմբային ընկերության դահլիճում դիտեցին Թաթուլ Ալթունյանի անվան երգի-պարի պետական համույթի համերգային ծրագիրը:

Մայիսի 22-ին Տավուշի մարզի աշկերտներին միացան ՀՀ Արարատի և Գեղարքունիքի մարզերի շուրջ 220 աշակերտները: Իսկ Տավուշի մարզի երեխաներն այցելեցին Հայաստանի պատմության թանգարան:

Այնուհետև, Ալ. Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ մարզերից ժամանած աշակերտների, մանկավարժների, Երևանի հանրակրթական դպրոցների և սիրիահայ երերխաների հանդիպումը ՀՀ վարչապետ Հովիկ Աբրահամյանի հետ: Վարչապետը ողջունեց երեխաներին և պատասխանեց նրանց հարցերին: Մարզերից ժամանած մանկավարժները շնորհակալություն հայտնեցին վարչապետին ձեռնարկած կարևոր ծրագրի ներդրման և իրականացման համար: Վարչապետի հետ հանդիպումից հետո երեխաները դիտեցին Ա. Տիգրանյանի «Անուշ» օպերային ներկայացումը, որի ավարտից հետո ՀՀ Արարատի և Գեղարքունիքի մարզերի աշակերտները կայցելեն Հայաստանի պատմության թանգարան և ազգային պատկերասրահ: Հաջորդիվ՝ Հայաստանի երգչախմբային ընկերության դահլիճում նրանք ներկա կլինեն Թաթուլ Ալթունյանի անվան երգի-պարի պետական համույթի համերգային ծրագիրին:

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0