a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Սիրիահայ դիզայներ-մոդելավորող Գևորգ Շադոյանը կցուցադրի իր՝ ազգային տարազի բաղադրիչներով «Վերածնունդ» հավաքածուն

Գևորգ Շադոյան

Մեր հայրենակից Գևորգ Շադոյանը, ով ոչ միայն արաբ իշխանուհու ամուսնական օժիտի պատվերն է կատարել, այլև ավստրիաբնակ Հենրի Մաքսոյի հետ է համագործակցել,Հայոց ցեղասպանության 100-րդ տարելիցի միջոցառումների շրջանակում կներկայացնի «Shadoyan Fashion» նորաձևության տան «Վերածնունդ» հավաքածուն: ՀՀ սփյուռքի նախարարության հովանավորությամբ կազմակերպվող ցուցադրությունը տեղի կունենա «Մերիդիան Էքսպո» կենտրոնում։

20-ից ավելի հավաքածուների հեղինակ, սիրիահայ դիզայներ- մոդելավորող Գևորգ Շադոյանի հագուստներում զուգակցված են ժամանակակից ու հին հայկական տարազի տարրերը:

Գևորգը մասնագիտացած է հիմնականում հարսանեկան հագուստների արտադրության մեջ, 2002-ից ժամանակ առ ժամանակ ցուցադրություններ է կազմակերպում նաև այստեղ` հայրենիքում: Նրա համոզմամբ հայկական կարպետի նախշերը կարող են նոր շունչ ու գրավչություն հաղորդել անգամ ջինսին:

Գևորգը բազմաթիվ ցուցադրություններ է ունեցել ինչպես Հայաստանում, այնպես էլ ԱՄՆ ում, Հոնգ Կոնգում, Ավստրալիայում, Մոսկվայում, Ուկրաինայում, Սիրիայում և Լիբանանում: Հենրի Մաքսոյի պատվերով ստեղծվել են մեծ չափսի ջինսե տաբատներ, ինքնատիպ զգեստներ, որոնք, հեղինակի խոսքով, հարուստ էին ՙամեն տեսակի զիզի-բիզի՚ բաներով ու հատուկ նախատեսված էին գարեջրասերների համար:

ՀՀ սփյուռքի նախարարության մամուլի և հասարակայնության հետ կապերի վարչության տարածած տեղեկության համաձայն՝ ցուցադրությանը ներկա կլինեն ՀՀ սփյուռքի նախարար Հրանուշ Հակոբյանը, ոլորտի մասնագետներ, հյուրեր:
Կներկայացվեն 23 կանացի, 7 տղամարդու և 8 մանկական  համալիր հագուստներ, որոնք բացառապես ստեղծվել են հայկական ազգային տարազների բաղադրիչներից:

Նշենք, որ ցուցադրությունը տեղի կունենա հունիսի 12-ին։

 

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0