a
b
c
d
Հայ Մշակույթի, Գիտության Եւ Կրթության Զարգացման Հիմնադրամ
15/10/2014

ԱՐԵԳ ԷԼԻԲԵԿՅԱՆԻ ԱՆՀԱՏԱԿԱՆ ՑՈՒՑԱՀԱՆԴԵՍԸ ՄՈՆՐԵԱԼՈՒՄ

201401001_2

Մոնրեալի Գեղարվեստի թանգարանին կից գտնվող «Լաուն տարածքում» ապրիլի 29-ից մինչեւ մայիսի 30-ը կանադահայ ճանաչված արվեստագետ Արեգ Էլիբեկյանը ներկայացնելու է վերջին երեք տարիներին ստեղծած իր երեսուն առավել նշանակալի կտավները «Տեսարաններ թաղամասի կյանքից» ընդհանուր խորագրի ներքո:

Բնանկարի ժանրում մասնագիտացած արվեստագետը ժառանգել է իր ընտանիքի ավանդական գույները, որոնք իրենց արմատներով պարտական են եվրոպական ռեալիզմին եւ հետիմպրեսիոնիստական շարժումներին: Ըստ ցուցահանդեսի առթիվ հրատարակված մամուլի հաղորդագրությանՙ իր բազմաթիվ ճանապարհորդությունների արդյունքում ծնված ներշնչանքը նա ճշգրտորեն կարողացել է ներկայացնել իր կտավներում: Քվեբեկի Ութրեմոն փոքրիկ ավանի կամ Փարիզի Սեն¬Ժերմեն¬դե¬Պրեյի տրամադրությունները այնքան հարազատ են, որ խաղաղ ու լուսաշող զվարթություն են պարգեւում դիտողին, միաժամանակ պարզելով հեղինակի համեստ, զգայուն ու նուրբ բնավորությունը:

Երրորդ սերնդի հայ նկարիչը ծնվել է Հայաստանում, ավարտել 1992-ին Երեւանի Գեղարվեստաթատերական ինստիտուտը եւ նույն տարում տեղափոխվել Մոնրեալ, որտեղ նկարչությամբ զբաղվելուն առընթեր արդեն ավելի քան քսան տարի է, ինչ նաեւ նկարչություն է դասավանդում:

Ցուցահանդեսի պաշտոնական բացումը կայանալու է մայիսի 6-ին, նկարչի ներկայությամբ:

Արեգը բացի Մոնրեալից անհատական եւ խմբակային ցուցահանդեսներ ունեցել է Բեյրութում, Փարիզում, Բելգիայում, Նյու Յորքում, Դետրոյթում, Բոստոնում եւ իհարկե Երեւանում:

Աղբյուրը՝ www.azg.am

Գալիք Իրադարձություններ
Անհրաժեշտ է: $1,060
107%
Հավաքված է: $1,132 | Մնացած օրեր: 0