a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Ցուցահանդես՝ նվիրված հայ-ճապոնական դիվանագիտական հարաբերությունների հաստատման 25-ամյակին

Tohoku

Սեպտեմբերի 7-ին Հովհաննես Շարամբեյանի անվան ժողովրդական ստեղծագործության կենտրոնում կբացվի «Տոհոկուի գեղեցիկ ձեռարվեստը» ճապոնական դեկորատիվ-կիրառական արվեստի ցուցահանդեսը, որը նվիրվում է հայ-ճապոնական դիվանագիտական հարաբերությունների հաստատման 25-ամյակին (բացման օրը մուտքը հրավիրատոմսերով է):

Տոհոկուն Ճապոնիայի այն տարածաշրջաններից է, որն առանձնանում է մշակութային ինքնատիպ ժառանգությամբ: Երևանյան արվեստասեր հասարակությունը մեկ ամսվա ընթացքում հնարավորություն կունենա ծանոթանալու խեցեգործության, ասեղնագործության, մետաղի և փայտի գեղարվեստական մշակման նմուշներին, ինչպես նաև հնդկեղեգից պատրաստված լաքապատ իրերին՝ վայելելով Տոհոկուի ավանդույթների բազմազան և սքանչելի աշխարհը:

«Տոհոկուի գեղեցիկ ձեռարվեստը» ճապոնական շրջիկ ցուցահանդեսը 2012 թվականից սկսած կազմակերպվել է աշխարհի 19 երկրներում, և Հայաստանն այդ շարքում 20-րդն է: Ցուցադրանքում ներառված աշխատանքները նորովի են բացահայտում Տոհոկուի ավանդական արհեստների տեխնիկական բարձր մակարդակն ու առօրյա իրերի կիրառական նշանակությունը: Նպատակը Տոհոկուի ժողովրդական ստեղծագործության միջոցով Ճապոնիայի ժողովրդական վարպետների գեղագիտական ընկալումների յուրովի ներկայացումն է:

Ցուցահանդեսը կգործի մինչև հոկտեմբերի 8-ը:

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0