a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Հայաստանն այս տարի ևս կմասնակցի պատանի կատարողների «Շչելկունչիկ» միջազգային 16-րդ հեռուստատեսային մրցույթին

դասական երաժշտ․ մրցույթ

Նոյեմբերի 30-ից դեկտեմբերի 7-ը, Մոսկվայում կկայանա պատանի երաժիշտների «Շչելկունչիկ» 16-րդ միջազգային հեռուստատեսային մրցույթը: Մրցույթին կմասնակցեն 9-14 տարեկան 48 պատանի երաժիշտներ՝ Հայաստանից, Ռուսաստանից, ԱՄՆ-ից, Մեծ Բրիտանիայից, Չինաստանից, Ավստրիայից, Նորվեգիայից, Բուլղարիայից, Հունգարիայից, Չեխիայից, Ճապոնիայից, Վրաստանից, Լատվիայից:

ՀՀ մշակույթի նախարարության աջակցությամբ՝ այս տարվա մրցույթին Հայաստանից կմասնակցի Երևանի Կ. Սարաջյանի անվան երաժշտական դպրոցի պատանի թավջութակահար, հանրապետական և միջազգային մրցույթների դափնեկիր Արտյոմ Իոանիսյանը (դասատու` Գայանե Ռաֆայելյան):

Ինչպես տեղեկանում ենք  մշակույթի նախարարության պաշտոնական կայքէջից, Ա. Իոանիսյանը կկատարի Գ. Կասսադոյի, Դ. Պոպպերի, Ա. Դվորժակի ստեղծագործությունները:
Պատանի երաժիշտների «Շչելկունչիկ» 16-րդ միջազգային հեռուստատեսային մրցույթը կանցկացվի 3 անվանակարգերում՝ դաշնամուր, փողային և հարվածային գործիքներ, լարային գործիքներ՝ ջութակ, թավջութակ, տավիղ: Պատանի երաժիշտ-կատարողների ելույթները կգնահատի անվանի երաժիշտներից կազմված հեղինակավոր ժյուրին:

Ամենամյա այս մրցույթը հիմնադրվել է դեռևս 2000 թվականին՝ ռուսաստանյան «Կուլտուրա» հեռուստաալիքի կողմից: Իր տեսակի մեջ եզակի այս երաժշտական մրցույթը մինչ օրս մնում է Ռուսաստանի Դաշնության մանկական հեռուստատեսային միակ մրցույթը՝ դասական երաժշտության բնագավառում: Տարիների ընթացքում մրցույթն ունեցել է ավելի քան 1000 մասնակից աշխարհի՝ մեկուկես տասնյակից ավելի երկրներից, այդ թվում՝ Հայաստան, Ռուսաստան, Ավստրիա, Բուլղարիա, Բելառուս, Հունգարիա, Վրաստան, Ղազախստան, ԱՄՆ, Կանադա, Կորեա, Ֆրանսիա, Լատվիա, Շվեդիա, Ճապոնիա և այլն: Մրցույթի նպատակն է ուշադրություն հրավիրել մանկական երաժշտական կրթության և դաստիարակության հարցերին, հայտնաբերել պատանի տաղանդավոր երաժիշտների, ովքեր կշարունակեն կատարողական դպրոցի լավագույն ավանդույթները:

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0