a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Հայ պատանիները կմասնակցեն Պ. Չայկովսկու անվան 9-րդ պատանեկան միջազգային մրցույթին

Չայկովսկու մրցույթ

Դեկտեմբերի 5-15-ը Ռուսաստանի Դաշնության Նովոսիբիրսկ քաղաքում կմեկնարկի Պ. Չայկովսկու անվան 9-րդ պատանեկան միջազգային մրցույթը, որը կանցկացվի երեք փուլով` դաշնամուր, ջութակ, թավջութակ անվանակարգերում: Մրցույթին մասնակցելու են  մինչև 17 տարեկան 120 պատանի երաժիշտ-կատարողներ՝ ավելի քան 22 երկրներից՝ Հայաստանից, Ռուսաստանից, Բելառուսից, ԱՄՆ-ից, Չինաստանից, Ճապոնիայից, Իտալիայից, Ավստրալիայից, Կորեայից, Ուկրաինայից, Ռումինիայից, Իսրայելից, Գերմանիայից, Լյուքսեմբուրգից, Ֆրանսիայից, Սերբիայից, Ավստրիայից, Ղազախստանից, Կանադայից, Դանիայից և այլ երկրներից:
Ինչպես տեղեկանում ենք մշակույթի նախարարության կայքէջից, դաշնակահարների ժյուրիի նախագահն է Մոսկվայի Պ. Չայկովսկու անվան պետական կոնսերվատորիային կից երաժշտական տասնամյակի տնօրեն, ՌԴ ժողովրդական արտիստ, պրոֆեսոր Վլադիմիր Օվչիննիկովը, ջութակահարներինը՝ ՌԽՍՀ վաստակավոր արտիստ, պրոֆեսոր Սերգեյ Կրավչենկոն, իսկ թավջութակահարներինը՝ ՌԴ ժողովրդական արտիստ, պրոֆեսոր Մարիա Չայկովսկայան:
Հայաստանից կմասնակցեն Պ. Չայկովսկու անվան միջնակարգ երաժշտական մասնագիտական դպրոցի սաները՝ միջազգային մրցույթների դափնեկիրներ, լարային բաժնի XI դասարանի աշակերտներ թավջութակահար Անդրանիկ Աղաջանյանը (դասատու՝ Արմինե Ավետիսյան) և ջութակահար Դիանա Ադամյանը (դասատու՝ Պետրոս Հայկազյան):

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0