«ՏԵՐՏԵՐՅԱՆԻ ԺԱՄԱՆԱԿԸ»  փառատոնի շրջանակներում, օգոստոսի 1-ին, ժամը 19:00-ին  Կոմիտասի թանգարան-ինստիտուտի համերգասրահում կկայանա փառատոնի հերթական համերգը, որի ընթացքում կհնչեն մեծանուն հայ կոմպոզիտորի՝ Ավետ Տերտերյանի երգերից, ինչպես նաև Կոմիտաս-Ասլամազյանի,  Նարինե Զարիֆյանի,  Սարգիս Ասլամազյանի ստեղծագործություններից՝ գրված լարային քառյակի համար:  Ի դեպ, վերջինս կհնչի Սվերդլովյան պետական ակադեմիական ֆիլհարմոնիայի լարային քառյակի  կատարմամբ:
Համերգը կեզրափակվի «Զանգակներ» համույթի հնչյունների ներքո:
Իսկ ժամը 17:00-ից Կոմիտաս թանգարան-ինստիտուտից քիչ հեռու կկայանա բացօթյա ցուցահանդես, որի ընթացքում կներկայացվեն հայ և ռուս գեղանկարիչների, ինչպես նաև Երևանի և Եկատերինբուրգի գեղարվեստական դպրոցների մասնակիցների աշխատանքները:
Նշենք, որ նախագիծն իրականացվում է ՀՀ Մշակույթի նախարարության, Հայաստանի Կոմպոզիտորների Միության, ՌԴ Սվերդլովյան շրջանի մշակույթի նախարարության, “Մշակույթ և ապագա” ֆոնդի , Սանկտ Պետերբուրգի մշակույթի գծով կոմիտեի համատեղ ջանքերով: