a
b
c
d
Հայ Մշակույթի, Գիտության Եւ Կրթության Զարգացման Հիմնադրամ
08/07/2015

Ֆրանսայի Եւ Հայաստանի Վարչապետները Բացումը Կատարեցին Ալֆորվիլի «Գէորգ Արապեան» Վարժարանին

0000ALFORVILLE1

Փարիզի արուարձան Ալֆորվիլ քաղաքը ժողովրդական բացառիկ շարժում մը ապրեցաւ՝ անբացատրելի տօնական օրով մը: Ամէն կողմէ մարդկային հոսք կար դէպի Կոմիտաս փողոց» կը գրէ «Նոր Յառաջ»:
Ներկայ էին ֆրանսական քաղաքական դասու ներկայացուցիչներ՝ երեսփոխաններ Ռուքէ, Շուարզենպերկ, Ալֆորվիլի եւ Քլամարի քաղաքապետներ Գարվունաս եւ Քալթենպախ, խորհրդարանի նախագահ Պարթոլօ, Վալ-տը-Մառնի նահանգապետ եւ շրջանի կրթութեան բաժինի տնօրէնուհի Ֆլորանս Ռուպի։ Իսկ հայկական կողմէն՝ կառավարութեան անդամներ, գիւղատնտեսութեան, կրթութեան, Սփիւռքի նախարարներ, Հայաստանի դեսպանը եւ երկու երկիրներու վարչապետները՝ Վալս եւ Աբրահամեան:
Եկեղեցական դասէն ներկայ էին Ֆրանսայի թեմի առաջնորդ Վահան եպս. Յովհաննէսեան, Նորվան արք. Զաքարեան, Գերմանիոյ թեմի առաջնորդ Գարեգին արք. Պեքճեան, Ռումանիոյ առաջնորդ Տաթեւ եպս. Յակոբեան եւ հոգեւոր դասու ներկայացուցիչներ:
Բացման ժապաւէնը կտրեցին վարչապետները՝ ներկայութեամբ բարերար Գէորգ Արապեանի եւ հոգեւոր եւ աշխարհական դասուն։ Ապա տեղի ունեցաւ դպրոցի բակին մէջ զետեղուած խաչքարի օծումը:
Հայաստանի վարչապետ Յովիկ Աբրահամեան դրուատեց ֆրանսա-հայկական դարաւոր յարաբերութիւնները, յիշեցուց հայութեան մօտ կրթութեան կարեւորութիւնը, հայերէն այբուբենը, որ 1600ամեայ անցեալ ունի, իսկ տպագրութիւնը՝ արդէն 500 տարուան պատմութիւն։
Վալս իր խօսքին մէջ ըսաւ, որ պետութիւնը կը խոստանայ «Արապեան» դպրոցին հետ ընկերակցութեան պայմանագիր կնքել, յանձն առնելով պետական պաշտօնէութեան վարձատրութիւնը:
«Արապեան» դպրոցի շինութիւնը արժած է 4.5 միլիոն եուրօ, որ գոյացած է անհատներու եւ հաստատութիւններու նուիրատուութիւններով: Գէորգ Արապեան յատկացուցած է աւելի քան 2.5 միլիոն եուրօ: Իսկ քանդակագործ Էմմա Աբրահամեան իր բնակարանը կտակած էր դպրոցին, որ այս օրերուս վաճառքի ընթացքի մէջ է:

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0