a
b
c
d
Հայ Մշակույթի, Գիտության Եւ Կրթության Զարգացման Հիմնադրամ

Հայկական երգն ու պարը ողողել էին Լիսաբոնը

gulbenkian-10

Ինչպես տեղեկացնում է Հայաստանի երիտասարդական հիմնադրամը, հունիս-հուլիս ամիսներին «Հայրիկ Մուրադյան» ՀԿ-ն Լիսաբոն քաղաքում կազմակերպել է հայ ավանդական երգ ու պարի դասընթաց, որը տեղի է ունեցել Գյուլբենկյան հիմնադրամի այգում գտնվող բացօթյա ամֆիթատրոնում։ Միջոցառումն անցկացնելու համար տրամադրվել են անհրաժեշտ ձայնային տեխնիկական սարքավորումներ, որոնց շնորհիվ հայկական երաժշտությունը մի քանի ժամ հնչում էր լ Միջոցառման մասնակիցները հիմնականում ուսանողներ և աշակերտներ էին, ինչպես նաև՝ նրանց ծնողները, որոնք անտարբեր չեն հայկական երգ ու պարի հնչյուններին, և առհասարակ, հայկական մշակույթին։

Պարերի ուսուցմանը մեծ աջակցություն են ցուցաբերել տեղի մասնագետ Նարե Սուքիասյանը և հայկական պարերի լավ գիտակ Լիա Խաչատրյանը։ Երգերի ուսուցումն անցկացրել է «Հայրիկ Մուրադյան» ՀԿ-ի նախագահ, երաժիշտ Նարինե Դելլալյանը։ Որպես կանոն, հայկական խմբին միանում էին օտարազգիներ՝ չինացի, ֆրանսիացի, ամերիկացի, աֆրիկացի, պորտուգալացի։Բոլոր մասնակիցներին բաժանվել են նաև «Մշակութային ժառանգության վերածնունդ» անվանումով տեսա և ձայնասկավառակներ, տեղեկատվական գրքույկներ, որոնք թողարկվել և լույս են ընծայվել ՀՀ Նախագահի աշխատակազմի կողմից հատկացվող դրամաշնորհի և Հայաստանի երիտասարդական հիմնադրամի հայտարարած մրցույթի շրջանակներում։

Նշենք, որ «Հայրիկ Մուրադյան» ՀԿ-ն նախագահական դրամաշնորհի շրջանակներում ազգային երգ ու պարի դասընթացներ է կազմակերպել նաև ՀՀ 4 մարզում։ Պարերն ուսուցանել է «Կարին» ավանդական երգ ու պարի համույթը։ Թողարկված ձայնասկավառակում տեղ են գտել Հայրիկ Մուրադյանի կողմից կատարվող 8 երգ, իսկ տեսասկավառակում ներկայացված են 8 ազգագրական պարի կատարում ու ուսուցում՝ իրենց բացատրություններով։ Սկավառակներում տեղադրված տեղեկատվական գրքույկում ամփոփված են երգերի նոտաներն ու բառերը, ինչպես նաև՝ ինֆորմացիա՝ ներկայացվող պարերի, դրանք գրառողների մասին։

Գալիք Իրադարձություններ

Չկան սպասվող իրադարձություններ այս պահին.

Անհրաժեշտ է: $1,060
107%
Հավաքված է: $1,132 | Մնացած օրեր: 0