Պոլսահայ նշանավոր լուսանկարիչ Արա Գյուլերի ամբողջ ֆոտոարխիվը գնել է Dugus թուրքական հոլդինգը: Ի դեպ, այս ընկերությունը Թուրքիայի երեք խոշոր մասնավոր ընկերություններից մեկն է, որ ներգրավված է մեդիայի, զբոսաշրջության, սպասարկման, նորաձևության և այլ ոլորտներում: Այդ մասին տեղեկացնում է Արևելք պարբերականը՝ հղում անելով  թուրքական զլմ-ներին : Ըստ աղբյուրի՝ կնքվել  է պայմանագիր`  ընկերության և Արա Գյուլերի փաստաբանի միջև, ըստ որի ընկերությունը պարտավորվել է բարձր հոնորար վճարել հայ լուսանկարչին: Նշվում է, որ Արա Գյուլերը հանդիսանալու է մի ընկերության բաժնետերերից, որը պատրաստվում է առաջիկայում թվայնացնել և կոմերցիոն նպատակներով  օգտագործել հանրահռչակ լուսանկարչի աշխատանքները:

20-րդ դարի խոշոր լուսանկարիչներից մեկը՝ Արա Գյուլերը, լուսանկարչության պատմության մեջ նա մտել է  «Ստամբուլի աչք» անունով: